Imbitasyon para sa Gospel of Mark

Welcome sa mga kababaihang nagmamahal sa Diyos at sa Kanyang Salita! Excited na ba kayo sa susunod na linggo para sa ating pagbabasa ng Magandang Balita ayon kay Marcos (Gospel of Mark)?

Para sa mga mayroon ng sariling quiet time sa Panginoon, good job! Ipagpatuloy lang po natin ang ating paglalakad kasama ang Panginoon.

Sa mga kababaihan naman na bago pa lamang sa pagbabasa ng Bibliya, walang dapat ikabahala na baka hindi ninyo masundan ang iba. Ako man ay nagsimula sa pamamagitan lamang ng patnubay ng GoodMorningGirls.org.

Kung kailangan ninyo ng mga resources sa paghahanda para sa pagbabasa ng Salita ng Diyos, maari ninyong idownload ang mga sumusunod:

• Tsart ng Pagkulay: Ito ay para sa mga gustong maghighlight habang nagbabasa. Sa paraang ito, mas madali nating matatandaan ang ating binabasa.
• Verse na Pwedeng Pagnilayan: May mga verse bawat araw na kelangang imemorize. Hindi naman lubos na “kailangan” pero mas maganda lang etong paraan sa pagkakabisa ng partikular na verse sa Bibliya.
• Paliwanag sa Paraan ng SOAK na Pagbabasa
• Reading Plan – Gospel of Mark
• Journal para sa Gospel of Mark: Maaari ninyo itong gawing gabay sa pag-aaral ng Salita ng Diyos. Nakapaloob dito ang mga verse sa bawat chapter, mga tanong na pwedeng pagnilayan at ang SOAK method.

Alam natin na minsan, mas tinatawag tayo ng ibang gawain kung kaya’t nakakalimutan natin na magbasa ng Bible. Maari kayong magsimula kasama ang iyong mga kaibigan or kapamilya. Kaya lang minsan hindi din siguro tayo ngkakatugma sa paniniwala sa pamilya or kaibigan kung kaya’t andito ang GMG Philippines para magbigay ng patnubay sa pagsubaybay at pagkilala sa Diyos sa pamamagitan ng Bibliya.

Bukas ang Facebook Group na GMG Philippines para sa Bible Reading accountability. Maari tayong magpadala ng message or komento sa Page/Group para kumuha ng inspirasyon araw-araw sa isa’t isa. Abangan ninyo yan at sana ay makasali kayo!

Ang GMG -Philippines ay ginawa sa mga kababaihang Pilipino na nagnanais mapalapit sa Diyos. Minsan, kelangan natin ng lugar online na pwede nating maramdaman na “at home” tayo. Sa GoodMorningGirls, hindi ka naiiba. Belong kayo dito.

Kahit gaano man karami ang nagsasalita ng Ingles sa bansa natin, mayroon pa ding hindi bihasa sa paggamit nito. Ninanais ng GMG Philippines na yakapin ang mas nakakaraming kababaihan anuman ang estado sa buhay. Mas mainam na maramdaman ng bawat isa ang kalayaan sa pagpapahayag.

Kaya Ingles man or Filipino, pwedeng pwede!

Huwag ninyong kalimutang bisitahin at i-Like ang ating Facebook page: www.facebook.com/goodmorninggirlsphilippines

 

Patnubayan nawa tayong lahat ni God,

J

Paliwanag sa Paraan ng SOAK na Pagbabasa

S: Sa bahaging ito, isulat nyo lamang ang isa o dalawang passage sa Verse na binabasa nyo. Kadalasan, habang nagbabasa kayo may mga passage na mas tumatatak sa puso. Isulat yun word for word sa bahaging “S”.

O: Suriin ang scripture na napili kung mayroon itong kasamang utos o pangako mula sa Diyos. Hindi kelangang mahaba, maaring maipaliwanang nyo ang obserbasyon nyo sa 2-3 pangungusap.

Tandaan natin na ang pagbabasa ng Bible ay nangangailangan din ng gabay mula sa Banal na Espiritu upang lalo nating maintindihan ang salita ng Diyos.

A: Ano ba ang sinasabi sayo ng partikular na scripture na napili? Paano mo ba ito magagamit sa pang-araw araw na pamumuhay at pakikitungo sa kapwa? May kelangan ka bang ipagtapat sa Diyos o aksyon na dapat gawin sa buhay mo?

K: Isulat sa bahaging eto ang inyong panalangin. Ang pagluhod natin ay tanda ng ating pagrespeto at pagsamba sa Poong Maykapal. Kung nasa labas man tayo ng bahay sa oras ng ating “quiet time” at hindi makaluhod, manalangin lamang tayo ng buong puso pagkatapos magbasa ng salita ng Diyos.

Huwag mabahala kung tama o mali ang SOAK nyo. Ang pakikipag-usap ng Diyos sa atin ay sa pamamagitan ng kanyang mga salita sa Bibliya. Kaya maaari din ninyong isulat sa journal nyo anuman ang nasa puso nyo at nais ipahatid sa Ama.

Ang isa pang paraan upang lalong tumatak sa isipan natin at maging madali ang pagmemorya ng mga passages sa Bibliya ay sa paggamit ng Coloring Chart. Hindi ito “required” or kinakailangan pero kung gusto nyo lamang na maghighlight ng mga importanteng salita sa Bible habang nagbabasa, maaari ninyong sundin ang Coloring Chart  na matatagpuan sa Downloadables na bahagi ng blog na eto.

Pagbati para sa pagtatapos ng GMG sa Aklat ni Job! ~

Hurrah!

Sa mga nakatapos sa ating Book of Job, congratulations! Nawa’y marami kayong nalaman sa pagbabasa ng Salita ng Diyos. Kung may nais kayong ibahagi sa amin, maaari ninyo kaming imessage sa ating Facebook page. Samahan niyo ulit kami sa ating mga susunod pang study.

Sa mga hindi pa nakakatapos, huwag po kayong mag-alala. Ang mas mahalaga ay ang pagbibigay at paglalaan ng oras sa ating Panginoon at sa pag-alala sa kanyang mga salita na syang ating magiging gabay sa pang-araw araw na buhay.

Sa mga magsisimula, welcome po! Maaari ninyong idownload at iprint ang kopya ng Journal para sa book of Job na aming isinalin sa Filipino. Ito ay maaari ninyong maging gabay sa inyong taimtim na oras o quiet time.

Maraming salamat po! Patuloy lang tayong maglakad kasama ang Panginoong Hesus!